CAMPITELLUM

CAMPITELLUM

Italis Campitelli, au corrupte pro Campo Metelli, nomen est Aedis sacrae in Urbe Roma, quae integiô nomine S. Mariae in Campitelli appellatur, a porticu campoque seu platea ei adiuncta, cui Metellus Macedonicus olim nomen dedit. Paterculus, l. 1. c. 11. Hic est Metellus ille --- qui porticus, quae fuêre circumdatae duabus aedibus sine inscriptione positis, quae nunc Octaviae porticibus ambiuntur, fecerat. Incipiebat autem haec porticus a theatro Marcelli, in quo hodie Sabellianum palatium, et extendebatur versus S. Mariam in Porticu, dicebaturque etiam Schola Octaviae: item Schola Graeca; quod in eam multae picturae ac statuae e Graecia delatae aslent, quarum complures recenset Plin. l. 36. c. 5. etc. Vide Macrum in Schola Graeca.